Gunters vinter

Ein kald og arrogant tenestemann i Washington D.C. må reisa attende til Sør-Amerika for å redda niesa, Soledad, som sit i militærjuntaens fangenskap i den argentinske byen Corrientes. Mord, historie, diktatur, kjærleik, mytologi, poesi, tortur og den lækjande krafta i kunsten er nokre av elementa som overlappar kvarandre i denne eksperimentelle romanen om politisk undertrykking og personleg forsoning. Gunters vinter gir lesaren eit poetisk og intellektuelt utfordrande blikk på Latin-Amerika i dei turbulente tidene på åttitalet og tematiserer motstandskrafta mennesket har i møte med tyranniet.

Omsett frå spansk av Bente Teigen Gundersen

Utdrag fra omtale:

«For å lette lesinga har omsetjaren skrive eit informativt forord pluss fem tettskrivne sider med merknader. Når alt dette er på plass, kan ein slå fast at Gunters vinter er ein fascinerande, intrikat og allegorisk tekst som ber i seg både kriminalromanen og den politiske romanen med innslag av så vel poesi som brutal realisme (…) dette er ein roman som krev sin lesar. I starten var eg skeptisk før eg etter kvart såg den underliggjande strukturen, og eg endar som heftig og begeistra for ein uvanleg god roman som femner både det politiske, det poetiske og det mytologiske i møtet med ei omsynslaus overmakt utan evne til å ta vare på andre enn seg sjølv og sin eigen råskap.» – Oddmund Hagen, Dag og Tid